06:00 م
الإثنين 17 يوليه 2023
كتبت- هند عواد:
تحدث لاعب الزمالك والأهلي السابق، رضا عبد العال، عن الجدل المثار حول صفقة إمام عاشور، لاعب ميتلاند الدنماركي إلى الأهلي.
وقال في تصريح خاص لـ “مصراوي”: “إمام عاشور بقاله فترة بيتعالج هنا انتوا ليه مخلصتوش، واتكلمتوا معاه وفتحتوا معاه، محدش فتح معاه غير أما عرفوا إن الأهلي وبيراميدز دخلوا في مفاوضات يجيبوه إعارة، هو مش عايز يروح تاني فقال للنادي عايز أطلع إعارة، فقالوا خلاص هات النادي اللي يدفع فيك الإعارة أو يخلصك بيع”.
وتابع: “الأول مكانش في مفاوضات، ولما رئيس النادي لقى بيراميدز والأهلي دخلوا فيه فهو عايز يعمل إن هو عايز إمام فطلع قال إنه لابس شبشب ذنوبة وجاء بالبيجامة”.
أضاف: “جماهير الزمالك فهمت اللعبة، جماهير الزمالك زعلانه من الأول إمام يطلع ليه دا فاضله سنه ونص”.
وواصل رضا عبد العال: “خلينا بالبلدي كده ما ديانج بقاله سنتين عايز يمشي النادي الأهلي قاله تعالى خد وامشي ولا دا قرار مجلس إدارة وقرار نادي أنا مش هسيبك كمل عقدك وبعد كده إمشي، خلص عقدك وامشي كان مفروض يعمل كده مع إمام إنما هما طلعوا وقالك عشان النادي”.
وتابع: “انت طلعت أمام معنديش مشكلة وخدت فلوس، مش تجيب البديل، ما انت لو جبت اللعيب البديل دلوقتي ولاعيب كويس محدش يسأل ف إمام بعتوا عشان إن انا عايز اجيب لاعيبة، لما بعته دلوقتي مجبتش لاعيبة ليه، انت عشان تبيع إمام لازم تكون حاطط عينك ع اتنين لاعيبة واتعاقدت معاهم عشان لما إمام يمشي وانت تقول أنا جبت فلان محدش هيقولك ليه، إنما دلوقتي عشان مفيش حد ف الفرقة بيقولك لا دا لاعيب مهم”.