11:34 ص
الإثنين 28 أغسطس 2023
كتبت- منال الجيوشي:
علقت الفنانة ومقدمة البرامج سارة نخلة على تصدر أسما شريف منير التريند بعد حلاقتها لشعرها بماكينة حلاقة وذلك عبر برنامجها فيس أوف والذي تقدمه خلال شاشة قناة هي.
وقالت سارة نخلة: “اللي ظهر في فيديو حلاقة الشعر إن أسما بتعاني من قلق واضطراب ومفيش توازن، ولما قريت عنها هي كانت إيه لقيت إنها كانت ماكييرة وبعدها اتجوزت واتطلقت وبعدها اتجوزت من ممثل شاب واتطلقت تاني وده شئ يحترم لأنها بتحاول”.
وحول رد الفنان شريف منير على مهاجمي ابنته قالت: “مستغربة هو مفيش بينهم واتساب؟ أو مبيتقابلوش مثلا، ليه الدعم النفسي على السوشيال ميديا، واحنا لازم نبقى متفقين إن أسما فعلا تعاني من نقص في الدعم النفسي ودي شغلانة الدكتور النفسي وده مش عيب”.
وأضافت: “لو كانت أسما راحت المهرجان بقصة شعرها، عادي ده بيحصل في أرقى مهرجانات العالم كتغيير ونيولوك لكن قبلها تعملي الفيديو ده عشان المشاهدة واللايكات وباباكي يطلع يقول خدتي التريند ومترديش كان الأولى تعملوا قعدة بين حضرتك وأسما وتدعمها بينك وبينها عشان أكيد فيه حاجة ناقصة خلت أسما تعمل ده وهي أم لبنوتة وأنا اللي بزعل عليه في النهاية هما الأطفال”.