11:41 م
الإثنين 28 أغسطس 2023
وتحدث “عمر” عن الأزمة التي افتعلها مع المؤدي حمو بيكا وتغيير كلمات أغنية “أنت معلمة” واستخدام لفظ خارج، في مقطع فيديو قاما بنشره عبر مواقع التواصل الاجتماعي وأثار جدلًا خلال الأيام القليلة الماضية.
وقال “عمر” عن أزمته: “أنا بتعهد تعهد شخصي إن بعد حفلتي كندا والعلمين أنا سلوكي هيتغير كتير وبعد المنظر اللي شوفته في كندا وأنا واقف قدام حوالي 15 ألف شخص مصري وبشكر النائب شريف سبعاوي ممثل عن المصريين في البرلمان الكندي والراجل اختارني واداني مسؤولية كبيرة”.
واستكمل “وكان معايا فنانين كبار زي مينا مسعود وناس كتير أوي عالميين، كنت واقف جمبهم وأنا رايح ممثل عن الفئة الشعبية أو الفن الشعبي في مصر، دي ادتني مسؤولية كبيرة وهعيد حساباتي في حاجات كتير”.
وعن تغيير كلمات “أنت معلمة” والتي كانت سببًا في الأزمة قال: “كان مقطع هزار وأنا متفق مع حضرتك إن ده هيأثر على شكلي وأنا محطوط في حته حلوة وبروح أي حته بلاقي الناس بتقف لي بالآلاف وبتغني معايا وبتحترمني جدًا فلازم أكون قد المسؤولية دي”.
وتابع: “وكمان اختياري في مهرجان العلمين يوم الخميس الجاي في مكان زي ده وحدث زي ده برضه بيحط عليا مسؤولية ولازم ابقى قدها وبعتذر عن أي تصرف بالذات قبل الحفلتين دول عشان ماشوفتش حاجة زي كده بصراحة”.
وأعلن مصطفى كامل نقيب الموسيقيين عبر صفحته الرسمية على “فيسبوك” بتحويل عمر كمال وحمو بيكا للتحقيق قائلًا: “استجابة لما شاهدته وما أذاعاه الزملاء الإعلامي أحمد عبد العزيز والإعلامي محمد موسي، قررت تكليف الدكتور محمد عبدالله رئيس لجنة التحقيقات وفض النزاعات بإبلاغ الشئون القانونية لاستدعاء عمر كمال وحمو بيكا للتحقيق فورًا”.