09:24 م
الإثنين 04 سبتمبر 2023
كتب- مصراوي:
وأوضحت “أسما” بالفيديوهات عدد من اللوحات الإعلانية التي تصدرها والدها الفنان شريف منير ضمن الحملة الإعلانية.
وقامت “أسما” بتهنئة والدها بنجاح الحملة وعلقت قائلة: “قمر يا ناس.. شكلك قمر مبروك”، وفيديو أخر علقت عليه قائلة: “إيه الضحكة الحلوة دي”.
وحرص الفنان شريف منير على دعم ابنته “أسما” بعد قص شعرها مؤخرًا وسط هجوم وانتقادات رواد مواقع التواصل الاجتماعي، ونشر فيديو عبر حساباته المختلفة على مواقع التواصل الاجتماعي.
ودافع شريف منير عن ابنته “أسما” بالفيديو قائلًا: “مساء الخير، باكل سمك مشوي ورز أبيض، إيه الدوشة اللي انتوا عاملينها دي، وإيه الضجة اللي انتوا عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته”.
واستكمل: “تصرف عادي جدًا مفيهوش أي حاجة، أوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها”.
وأوضح منير: “بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا، بس هي بتتصرف باللي هي حاسة بيه، المهم إنها متكونش بتأذي حد”.
واستكمل: “قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا”.
واختتم: “أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها،المهم إننا مش بنضر حد، سلام عليكم”.
وأوضحت “أسما” السبب الحقيقي وراء قص شعرها بالكامل قائلة: “أولاً الحكاية جت بالصدفة جداً وكان قرار لحظي وانفعالي جدًا ومش ندمانة عليه، تاني حاجة انا مش بعمل كده عشان أطلع تريند بس كنت عارفة هبقى تريند، فيه فرق كبير بين عايزة وعارفة، على فكرة التريند ده نقمة مش حاجة حلوة خالص بس مش هدخل في الجدل ده دلوقتي”.
مضيفة: “تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس دي صفحة جديدة حلوة مليانة تفاؤل وقوة وارادة وتحدي وجرأة وشجاعة وكل حاجة ايجابية في الكون، أنا فعلًا من فترة كنت بمر بمرحلة صعبة جدًا بس كنت في رحلة بقالي شوية بتعافى منها وبقف على رجلي من الأول وكان أخرها رحلة دهب”.