11:04 ص
الأربعاء 29 نوفمبر 2023
كتبت- بهيرة فودة:
كشف الفنان محمد ممدوح عن الخطوات التي اتبعها لإنقاص وزنه، وفقدانه 45 كيلو من وزنه بسبب شرب المياه فقط لمدة 17 يوم.
قال محمد ممدوح خلال حواره مع الإعلامية إسعاد يونس في برنامج “صاحبة السعادة” المذاع على شاشة DMC “، :”استمريت على صيام المياه حاجة اسمها صيام المياة وانا مكنتش اعرفها قبل كدة واللي شجعني عليها مدير أعمالي وهي أنك تصوم لكن تشرب مياة بس”.
وأضاف:” أنا قعدت 17 يوم بشرب مياة بس ومكلش خالص واحنا كنا في تجمع في فندق ومعانا دكاترة بيراقبونا ويشوفوا السكر والضغط وكانت تجربة حلوة جدا وأي جوع أو صداع أشرب مية ودة كان من سنين وبسببه فقد وزن كتير ولغاية دلوقتي بشرب مياة كتير”.
وتابع:” الموضوع مبهر وكنت حاسس إني هادي وصافي ودي حاجة علمية وحاجات كتيرة بتشفى بالمياه ودة لأي سن”.
وأكمل:”أنا بقى ليا نظام حياة باكل كل ساعتين وبشرب مية كتير وخسيت 45 كيلو، احنا لما بدأنا نأكل مكنش ينفع ناكل مرة واحدة يعني نشرب عصير الأول وبعد كدة ناكل حاجة خفيفة أوي وكان في صديق أول لما خلص سافر المانيا وقبل ما يسافر أكل فول وطعمية من القاهرة ولما وصل المانيا تعب ودخل المستشفى فخطر أنك بعد الصيام تاكل حاجة تقيلة”.
يذكر أن أخر أعمال الفنان محمد ممدوح فيلم “وش في وش” بطولة أمينة خليل، أحمد خالد صالح، بيومي فؤاد، أنوشكا، أسماء جلال، تأليف وإخراج وليد الحلفاوي.