12:25 م
الجمعة 19 يناير 2024
استنجدت الفنانة فريدة سيف النصر، بإدارة المرور بسبب توقف الحركة بطريق مصر – إسكندرية الصحراوي لعدة ساعات، وحدوث شلل مروري، رغم التزامها بتصوير بأحد الأعمال الفنية في محافظة الإسكندرية.
ونشرت فريدة، الفيديو، عبر حسابها على فيسبوك، وقالت فيه: “بلاغ مهم جدا ومش عارفين نكلم مين؟، احنا في أول بوابات مصر – إسكندرية الصحراوي، وواقفين بالعربيات على مدار 2 كيلو، قالوا الساعة 6 فيه شبورة ووقفونا لحد ما وصلنا للساعة 8 الصبح والناس راحت للظابط ولكنه مش عايز يفتح الطريق.. مش فاهمة شبورة إيه والشمس طالعة، حد يكلم إدارة المرور”.
وتابعت: “وبعدين هنام في الشارع؟، مش عارفين فيه إيه عشان الناس تقف بالطريقة دي، يا جماعة عندنا شغل وأعمال، معقولة أنا عندي تصوير أعمل إيه دلوقتي .. يا جماعة أنجدونا، ومش عارفة أعمل إيه، ومحدش بيتحرك”.
وأضافت: “بيقولولي واحد ابن حرام اتخانق مع الظابط، وموقف العربيات بجد مش تهريج، طب كانوا قالولنا كنا مشينا من الزراعي بدل الوقفة دي، والله العظيم عندي تصوير في إسكندرية، ولو حصل أي عطل .. التكلفة دي هتبقى عليا ولا على مين؟”.
يذكر أن، آخر أعمال فريدة سيف النصر، مسلسل “جعفر العمدة” الذي عرض بموسم رمضان الماضي 2023، إلى جانب مشاركتها في مسلسل “عملة نادرة”.