12:37 م
الثلاثاء 05 مارس 2024
كشف الإعلامي أحمد شوبير، حقيقة حدوث أزمة بين محمود كهربا لاعب الفريق الأول للنادي الأهلي، والسويسري مارسيل كولر المدير الفني للفريق أدت للاشتباك بالأيدي وتدخل الأمن.
قال أحمد شوبير خلال برنامجه الإذاعي: “امبارح كلام كتير اتقال، أن كهربا اشتبك مع كولر وحصل خناقة كبيرة، وخالد بيبو فشل في حل الأزمة وتم استدعاء الأمن، وبعدها رفع الأمر لمحمود الخطيب الذي بدوره قرر تجميد كهربا وقصة كبيرة”.
أضاف: “طب لما تسأل اللي بيقول الأخبار دي مصدرها أيه؟ يقولك ده شوبير قال في برنامجه الصباحي، وأنا برد عليه وبقوله طب ما ترجع تشوف أنا قولت أيه في البرنامج بدل الكلام الغلط اللي بيتردد ده”.
أكمل: “عشان أتأكد من الحقيقة، رحت سألت كابتن خالد بيبو مدير الكرة بالفريق، رغم أني عارف أن القصة اللي بتتقال غلط، قاللي يمكن الكلام ده حصل وأنا كنت نايم مثلا؟، ما فيش أي حاجة حصلت من الكلام ده، وكل اللي بيتقال سببه اقتراب مباراة الأهلي والزمالك والرغبة في تشتيت ذهن اللاعبين”.
أتم تصريحاته: “خالد بيبو قاللي أن الأزمات بتكون في نظر المرضى فقط، لأنهم هدفهم اختلاق المشاكل لفك استقرار الفريق قبل المباراة الهامة المقبلة، وللعلم كهربا مسافر مع الفريق إلى السعودية وفرصته كبيرة في الظهور مرة أخرى”.
ويستعد النادي الأهلي للسفر غدا الأربعاء إلى المملكة العربية السعودية، لمواجهة الزمالك يوم الجمعة المقبلة، في نهائي كأس مصر، على ملعب الأول بارك.
اقرأ أيضا:
“النادي خربوه”.. أول ظهور لمرتضى منصور أمام الزمالك (فيديو)
“موقف مفاجئ لفتوح”.. ميدو يختار تشكيل الزمالك أمام الأهلي بنهائي الكأس
مفتول العضلات.. مدحت شلبي يكشف حكم نهائي كأس مصر بين الأهلي والزمالك