01:37 م
السبت 22 يونيو 2024
القاهرة- مصراوي:
حرصت الفنانة جيني كامل على دعم ومساندة النجمة شيرين عبدالوهاب، مؤكدة أنها موهبة كبيرة، ومن أطيب وأبسط الشخصيات التي عرفتها في الوسط الفني، مطالبة بتدخل أي شخصي يستطيع إنقاذها.
ونشرت جيني عبر حسابها على موقع فيسبوك، صورة تجمعها بـ شيرين وعلقت “كلمتين حق لوجه الله .. شيرين عبدالوهاب من أكثر الشخصيات اللي شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها بل بالعكس لها أفضال على ناس كتير وبدون مقابل، تقريبا أنا الوحيدة اللي هاجمت حسام في أزمتها قدام كل الناس في وقت تقريبا كل الناس كانت بتقول هيتصالحوا وفعلا اتصالحوا بعدها”.
وتحدثت عن لقائهما في الرياض وقت مشاركة شيرين في حفل روائع الموجي: “في فواصل المطربين حسام شافني خرج قالت له بقولك إيه بتحبني وبتدافع عني إلا چيني، وفعلا قلت لها لو موتوا بعض أنا مش هتدخل”.
وتابعت جيني “وفي أزمتي الأخيرة شيرين من القلائل اللي طلبتني وألحت وقالتلي كلام قمر يضحك موت ويبكي في نفس الوقت، صحيح ممكن ما نتقابلش كتير بس ممكن نرغي بالساعات في مكالمة، كانت بتهزر على نفسها لأنها كانت اتطلقت بالفعل من حسام وسألتها انتي قاعدة مع مين قالت خلاتي ما تيجي تتعشي معانا، كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط، هي فعلاً في أزمة وأنا مش عايزة أعرف مين سبب ولا وقت لوم للبنت”.
وفي حق أسرتها، قالت جيني “بس وبكل أمانة أنا قعدت مع أمها وأختها وأخوها وما شوفتش منهم غير إنهم ناس طيبين وعايزينها مبسوطة وعند نفس رأيي اللي يشوف مراته حالتها الصحية والفنية بتتدهور كده يبقي سبب لأنه كان لازم يكون له دور لأنه ولي أمرها حتى بالعافية وخصوصا إنها بتحبه وأكيد كانت هتسمع كلامه”.
أضافت “أنا شايفة ناس نطت من المركب والبنت بتغرق بدل ما نشد إيد بعض إحنا مصممين نغرق بعض، في المواقف دي أنا ما بستأذنش حد أساعده أنا بروح على طول لكن للأسف أنا لا عارفة هي فين ومع مين، في الأخر البنت دي موهبة كبيرة وقبل الموهبة هي إنسانة، اقفوا جنبها ولو فيه حد منقذ يتدخل بإيده بقى بعقل، بفلوس، بنفوذ، بسلطة يخش يخلص ده اللي أنا بفهمه، حد يخش يخلص أو هنصحى يوم نعيط بس كلنا”.
جدير بالذكر أن شيرين عبدالوهاب اعتذرت عن عدم المشاركة في حفل أقيم في دبي أمس الجمعة 21 يونيو بسبب سفرها لرحلة استشفائية، كما أثار تسريب رسالة صوتية لطليقها الفنان حسام حبيب الجدل، خاصة وأنه وجه خلاله اتهامات لأسرتها بأنهم السبب فيما وصلت إليه من مشاكل مؤخرًا.