11:52 م
الخميس 03 أكتوبر 2024
كتب – محمد القرش:
تحدث حارس مرمى النادي الأهلي، عبد الرحمن حُميد، عن الفوز على برشلونة وحصد الميدالية البرونزية لبطولة العالم للأندية لكرة اليد “سوبر جلوب” 2024.
وقال حُميد في تصريحات خاصة عبر “مصراوي”: “حققنا إنجاز كبير، تعبنا وخططنا عشانه كتير وربنا كرمنا ونجحنا، وإن شاء الله نقدر نحقق بطولة أفريقيا كمان”.
وأضاف: “حضرنا لماتش نص النهائي قدام ماجديبورج كويس وكان باين في الملعب، لكن الأخطاء في أخر الماتش وكمان الإيقافات خسرتنا”.
وتابع: “استعدينا لبرشلونة كويس جدا، وقدرنا نعوض كل ده ونكسب برشلونة بطل اوروبا وناخد منه البرونزية”.
وأتم: “مسافرين كمان 4 أيام عشان نلعب دوري أبطال أفريقيا ومحضرين كويس، وإن شاء الله نقدر نكسبها”.
الجدير بالذكر أن فريق فيزبريم المجري حصد ذهبية بطولة العالم لكرة اليد على حساب ماجديبورج الألماني.