إيناس مكي تتحدث عن سبب عدم مشاركتها مع شقيقها أحمد مكي في أعمال فنية

01:00 ص


الإثنين 10 يوليه 2023

كشفت الفنانة إيناس مكي عن تفاصيل علاقتها بشقيقها الفنان أحمد مكي. وقالت خلال لقائها ببرنامج المنسي عبر قناة هي:“ياخوانا ارحمونا .. أنا مدركة إن في حاجة اسمها ضريبة الشهرة لأن أنا بنت المهنة من ٢٦ سنة فطبيعي إن انتي لو اسم مشهور وأخوكي نجم ميجا ستار لازم الناس هتفضل تهري وتحكي وترغي في نفس الكلام .. طلعونا متخانقين .. طلعونا واخدين قرار إنتا منشتغلش تاني مع بعض.. طلعونا إن في بينا مشادة لا ده ضهري وسندي ورجلي في الدنيا”.وأضافت: “لدرجة إن هما قالوا إنتوا مفيش صور بينكوا .. وصلت إن أنا في برنامج قالولي ليه مبتقوليش لأحمد يشغلك معاه .. قولتلها أنا ليه أطلب من أحمد يشغلني أنا إيناس مكي وهو لو محتاجني هيطلبني وهو عمره ما هيجي يشاورلي على دور إلا لو هو عارف إننا هنعمل بيه “بوووم” وممكن يكون شايف إن في مليون حاجة بس يقول لا إيناس تستاهل أحسن من كده مجبهاش تكرر أدوار”.

وعن شخصية “مربوحة” في مسلسل “ الكبير قوي” قالت: “إحنا ملقناش حاجة مناسبة نشتغل فيها مع بعض ..ازاي أوافق أنا ولا هو إني أطلع مراته وحبيبته وأنا أخته الكبيرة؟ إزاي بقى دي كده اسمها لخبطة .. اللي كان متاح إني أدخل أعمل مفصلة من المفصلات وأنا وهو حسينا إن طب وبعدين؟ لأن أنا بعمل المفصلات الكوميدي دي في أعمال كتيرة ففين الجديد اللي اتعمل لإيناس؟”.