02:20 م
الأحد 03 سبتمبر 2023
القاهرة- مصراوي:
تداول رواد مواقع التواصل الاجتماعي فيديو للفنانة حورية فرغلي، أثناء حضورها مؤخرًا مسابقة لملكات الجمال أقيمت في أحد الفنادق الكبرى، ظهرت خلاله وهي تتعرض لموقف محرج.
حورية أثناء هبوطها على الدرج (السلم) سقطت وحاول المتواجدين في الحفل مساعدتها في الوقوف، وطلبت هي منهم أن يتركوها لتنهض بنفسها.
كانت حورية حلت مؤخرا ضيفة على برنامج “ET بالعربي”، وقالت: “كان حلمي طول عمري واتاخد مني الأسبوع اللي فات، الحاجة الوحيدة في الدنيا اللي كانت هتفرحني إني أجيب بيبي، كان نفسي أوي أجيب بنت، الحمد لله مؤمنة بقضاء ربنا”.
وتابعت حورية “من صغري عارفة إن عندي ورم في الرحم، إنه وراثة وكان لازق في كل حاجة قعدنا خمس ساعات في العملية، والدكتور بعد ما خلص قالي إنها كانت عملية صعبة، حاسة نفسي أحسن بكتير وعندي طاقة لإن الورم كان مأثر عليا”.
وأشارت إلى قيامها قبل سنوات بإجراء عملية مشابهة: “مش أول مرة أعمل عملية زي دي، من 13 سنة كان عندي أورام كتير في الرحم 7 أورام، والدكتور قالي عندك 7 سنين تتجوزي وتخلفي فيهم وانتي بتخلفي هشيلك الرحم”.
وعن النجوم الذين يسألون عليها، قالت “الناس اللي بتسأل عليا نبيلة عبيد، صفية العمري، ميرفت أمين وصفاء أبو السعود بيكلموني كل يوم مع انهم مشافونيش”.
ووجهت نصيحة للبنات “الجمال مش كل حاجة، الناس هتقول أول ما تشوفك واو زي القمر، وبعد ما ياخدوا عليكي هيشوفوكي عادية جدا، اللي بيعيش فعلا تتجوزي ويكون عندك أولاد، دي الحاجة اللي ندمانة عليها، لو رجع بيا الزمن كنت هتجوز، ده اللي هيعيش لي لو حصل لي حاجة مين هياخد باله مني جوزي، معرفش هو فين دلوقتي ان شاء الله يظهر”.
يذكر أن أخر أعمال الفنانة حورية فرغلي مسلسل “أيام”، بطولة رياض الخولي، حمدي السيد، شيري عادل، سلوى خطاب، تأليف سماح الحريري، إخراج محمد أسامة.