03:14 م
الخميس 31 أغسطس 2023
كتبت- نوران أسامة:
مازحت الفنانة وفاء صادق، متابعيها عبر السوشيال ميديا بصورة لها تحت يد أحد متخصصي الماكياج وهي يتم تجهيزها للذبح بأحد الأعمال الفنية، وذلك على خلفية الجدل المثار حول مسلسل “سفاح الجيزة”.
ونشرت وفاء، الصورة، عبر حسابها الرسمي بموقع “إنستجرام”، وعلقت: “عاملين دوشة على سفاح الجيزة، ما احنا إدبحنا قبل كده، وأدينا عايشين وزي الفل”.
على جانب آخر، قال عمرو عبدالله ماكيير مسلسل “سفاح الجيزة” في تصريحات خاصة لـ “مصراوي”: “اشتغلت على كل الحاجات على شكل أحمد فهمي وعلى شكل الممثلين اللي في المسلسل، وأحمد فهمي حاولت أخلي شكله أقرب للشخصية الحقيقية”.
واستكمل: “طبعاً كان في مشاهد صعبة جداً وكانوا عايزين جثث بتتحرك والمشهد يبان واقعي واحنا عاملينها على دمي سيليكون وعملنا إضافات على الدمى عشان تقدر تتحرك شوية وتبان واقعية أكتر وهي بتضرب”.
وأضاف: “أول مرة أقدم حاجة زي كده في عمل فني وعملت جثث متحللة وفي جثث مدفونة وطول الوقت كنا شغالين على حاجات جديدة”.
مسلسل”سفاح الجيزة” مستوحى من قصة حقيقية تدور أحداثه في 8 حلقات عن جرائم سفاح الجيزة اللي اتحكم عليه بالإعدام وعمل ضجه في سنة 2021، ويشارك ببطولته أحمد فهمي، ركين سعد، باسم سمرة، صلاح عبدالله، ميمي جمال، حنان يوسف، تأليف محمد صلاح العزب، وإخراج هادي الباجوري.