03:52 م
الإثنين 05 فبراير 2024
كتبت- بهيرة فودة:
علقت الفنانة المعتزلة إنجي خطاب على اعتزالها الفن للمرة الثانية، رغم تعاقدها على عملين واعتذارها عنهم على حد قولها.
وكتبت إنجي منشورًا، عبر حسابها الشخصي بموقع “فيسبوك”: “للتوضيح بس عشان تقريبا منمتش من المكالمات على راسي كلهم وبحبهم كلهم”.
وأضافت: “يا جماعة والله قرار اعتزالي ليس له علاقة بأي مشكلة في الفن وعندي عمالين مضياهم كمان واعتذرت ليهم إني مش هكمل يعني الشغل موجود الحمد لله، أنا اعتذرت لاني بقالي سنتين عندي صراع داخلي بين إني أكمل أو لا صراع رباني لطريق الصح واستخرت ربنا وألمهني هذا القرار وعشان كدا دا قرار نهائي لا رجعه فيه وبكن كل الاحترام لزملائي في المهنة ومعنديش مشكلة مع أي حد”.
وتابعت: “طول عمري في حالي كنت بشتغل بس الموضوع كله اختيار طريق إنت بتحدده لنفسك وياما مشينا طرق مش شبهنا في كل حاجة في حياتنا ورجعنا فيها وبنحاول ناخد طريق صح ونرضي ربنا وأنا مرتاحة جدا لقراري ده جدا جدا”
وأضافت: “صليت استخارة وربنا ألهمني بهذا القرار لأول مرة في حياتي آخد قرار صح ومتأكدة ربنا هيكرمني في مجال تاني وهركز في دراستي وأعمل الماجيستير والدكتوراه وشكرا لحبكم ودعواتكم علي راسي والله”.
وأعلنت الفنانة إنجي خطاب أمس عن اعتزالها الفن نهائيا، وكتبت: “أنا بعتذر لأي حد اتفقت معاه على عمل فني مش هقدر أعمله للاسف أنا واخده قرار نهائي اعتزالي مهنة التمثيل نهائيا ودا أحسن قرار خدته في حياتي وبكن كل احترام وتقدير لكل زملائي”.
اقرأ أيضا:
أحدث ظهور لـ أسما شريف منير.. والجمهور يعلق (فيديو)
أول تعليق من هيفاء وهبي بعد التحفظ على أموال مدير أعمالها السابق (فيديو)