12:19 م
الجمعة 28 يوليه 2023
كتب- مروان الطيب:
حل الفنان بيومي فؤاد ضيفاً على البرنامج الإذاعي “أسرار النجوم” تقديم المذيعة إنجي علي والذي يذاع على راديو “نجوم إف إم” وتطرق خلاله للحديث عن علاقته بنجوم الوسط الفني ومشاريعه السينمائية والسبب وراء ابتعاده وقلة ظهوره إعلامياً.
وبسؤاله عن السبب وراء قلة ظهوره إعلامياً قال مازحاً “إيه كلمة مقل لا تليق عليا” في إشارة إلى ظهوره الدائم سواء في الدراما التليفزيونية أو في السينما.
ورد بيومي قائلاً “المخرج الكبير الأستاذ محمد ياسين دايماً لما يكلمني في التليفون أكلم الفنان المقل بيومي فؤاد”.
وعن السبب وراء قلة ظهوره بالبرامج “بتكسف وبخجل جداً وصريح وساعات ده بيزعل الناس مني، لما بيسألوني مبعرفش امسك العصاية من النص، مبعرفش أعمل الموضوع ده ومبعرفش أقول كلمة وأنا مالي، وبربي عيالي أنهم ميقولوش الكلمة دي لأني شايف الكلمة دي تدعو للسلبية”.
واستكمل “وبعتذر عن الإجابة بس لو الحاجة مش عارفها لكن طول ما أنا عارف مش هعرف أجمل الكلام ولا أحليه ولا الكلام ده، ده مطلوب عند الفنان ومبقولش إن دي ميزة عندي ده عيب بس أنا صريح واللي في قلبي على لساني طالع لأمي الله يرحمها”.
بيومي فؤاد شارك في ٢٠٢٣ ببطولة أكثر من فيلم بينها: الصف الأخير، اتنين للإيجار، بعد الشر.