03:05 م
الجمعة 30 يونيو 2023
كتب- مصراوي:
كشف الفنان خالد سليم عن تفاصيل محاولة قتله، خلال استضافته في برنامج “حبر سري” المعروض على قناة القاهرة والناس وتقدمه المذيعة أسما إبراهيم، كما تحدث عن خلافه شخص من دمه كان يروج لنفسه على أنه مدير أعماله.
وقال: “عمر ما كان فيه مدير أعمال من دمي خالص .. هو ابن خالي وعمره ما كان مدير أعمالي في يوم من الأيام، هو اللي نشر الكلام ده مش أنا اللي نشرت هو عرف الناس نفسه بصفة هو مالوش فيها خالص، هو لا مدير أعمال ولا يفهم في الوسط بتاعنا ولا كان يعرف أي حاجة”.
وأوضح أن سبب مرافقة ابن خاله له هو بناء على طلب والدته بعدما حاول أحد الأشخاص قتله، قائلا: ” هو كان معايا مرافق فقط في فترة من فترات حياتي لأن أمي كانت خايفة عليا لأن عربيتي اللي كانت معايا في 2006 المقصات بتاعتها اتنشرت بمنشار نحاس خلوا فيها حتة صغيرة بس، وأنا كنت ساعتها ناقل من مصر الجديدة للمقطم عشان البيت أكبر عشان لما أخواتي يجوا من السفر بولادهم يلاقوا مكان أكبر”.
وأضاف “والمقطم ده جبل والطريق بتاعه صعب فيسيبوا فيه في المقص سنتيمتر واحد عشان مع اللف اللي بلفه وأنا نازل أو وأنا طالع العربية يحصل فيها أي حاجة وأنا كده شكرا .. فوالدتي وقتها قالتلي لازم يكون في حد معاك سواق أو مرافق ففرضت عليا محمد سمير ابن خالي”.
وأضاف: “مكناش صحاب قوي بس مع الوقت بقينا لذاذ.. هو حاول يجتهد بس هو عمره ما كان مدير أعمالي ولا حتى في أخر فترة وقولتله يا محمد انت قولت انك مدير أعمال؟ قالي لا مقولتش”.
ثم قامت أسما بتوجيه سؤال مباشر له قائلة: “إنت عارف مين اللي كان بيحاول يقتلك يا خالد؟”.
ليرد عليها قائلا: “اه بس مش هاقول، كان بسبب مشاكل على فلوس عشان مشروع وكان شخص قريب مني جدا وكان عنده علاقة بأحد أفراد عيلتي ودخلت معاه على إني شريك وممول أول ما الموضوع باظ قالي مالكش حاجة عندي فقولتله في ورق رسمي، هو كان عايز الفلوس اللي رجعتلي بالقانون دي أتعالج بيها”.
جدير بالذكر أن خالد سليم تحدث خلال الحوار عن الكثير من التفاصيل المتعلقة بحياته الفنية والشخصية، بينها شائعات وجود خلاف بينه وبين زوجته، وحبه لـ”الزعيم” عادل إمام، كما كشف عن حقيقة وجود خلاف بينه وبين الفنان تامر حسني والفنانة أصالة.
[]https:www.youtu.cowatch?v=Rx6TaT8ovKE[]