07:02 م
الأحد 03 أغسطس 2025
كتب – معتز عباس:
كشفت الفنانة الشابة رحمة حسن، تفاصيل جديدة عن اصابتها بالصلع، وتواصلها مع العيادة التي تسببت في حدوث تلك المشكلة.
وكتبت رحمة عبر حسابها الرسمي بموقع “انستجرام“: “العيادة اتوصلت معايا امبارح بعد ما نزلت البوست، وأنا رديت عادي لأني شخص كويس و محترم، هما قلولي اسفين آن ده حصل وعايزينك تيجي العيادة وهنكلمك بكرة وكده كلام بس علشان مشتكيش وقالولي ليه مقولتيش قبل كدا“.
وأضافت: “قولت أني بعت بعدها بأقل من شهر قلتم هتكلموني لكن محدش كلمني أتواصل معايا، وعمالى نفس الحاجة تاني، الحقيقية أني عمري ما كنت هتعامل أبدا معاهم أبدًا، لانهم معندهمش ضمير مهنى أبدًا“.
وتابعت: “بالنسبة للي حصلي، أتمني ان ده ما يحصلش لحد تاني وأكيد بالنسبالي كل حاجة هتكون كويسة، أتمني مصر يكون فيها أطباء كتير كويسين، شكرًا ، و بعتذر اني مش برد علي صحافة او قنوات، أتمني محدش يزعل ده مش جديد أنا دايما مش برد من زمان، المشاركة دائما بتكون حب، توعية، احساس بالمسؤولية وأيضا مشاركة معناها الحرفي“.
وأتمت: “بالنسبة للعيادة أنا مش مسمحاهم أبدا ولا هسامحهم هما او الدكتورة المسؤلة، ولا هقبل اعتذار لأن اعتذارهم مش هيرجع شعري تاني في يوم وليلة“.
وكانت رحمة، نشرت صورة لشعرها عبر “انستجرام”، وعقلت: “شعري ابتدى يقع من الجذور ويقع أكتر بعد ما روحت عيادة في الزمالك والمفروض أنه أفضل حاجة موجودة.. كشفت وعملت التحليل المطلوبة كلها، كان شعري عادي خفيف تعبان لكن مش بيقع كام شعرة عادي“.
وتابعت: “بعد ما روحت وعملت التحليل الدكتورة قالتلي كلها تمام ممكن بس الحديد نازل شوية، ممكن ناخد حديد، وهنعمل بلازمة من دمك يعني حاجة كويسة وآمان مية في المية! أوكي .. طبعا .. المهم روحت وسألتني الدكتورة قبل البلازمة بعد سحب الدم! أخبار الضغط بتاعك إيه، قولت مش عارفة، قالتلي طيب المهم عملت البلازمة و ميزوثاربي!، مش بلازمة بس! الكارثة أنه حططلي حقنة مينوكسيديل مع الحقنة وعملتها بالميزوثاربي!”.
واستكملت: “وطبعا أنا معرفتش غير لما روحت البيت لأن كان ضربات قلبي غريبة وحاسة اني تعبانة ودماغي تقيلة، بشوف الفاتورة لقيته أنها حططلي مينوكسيديل بدون ما ترجعلي الأول وأنا كنت بس مفروض أعمل بلازمة فقط من دمي.. بس من ساعتها شعري بيقع كل يوم ومفيش بيبي هير بيطلع أصلا ولو طلع بيقع تاني على طول“.
اقرأ أيضا..
“شبه جينفر أنستون”.. هيدي كرم تخطف الأنظار بإطلالة جريئة في الساحل
أسماء جلال تخطف الأنظار في أحدث جلسة تصوير.. وهكذا علق الجمهور