فاروق فلوكس يكشف عن موقف أغضبه من فؤاد المهندس

10:57 م


الخميس 20 يوليو 2023

كشف الفنان فاروق فلوكس عن أحد أسباب غضبه من الفنان الراحل فؤاد المهندس و روى أحد المواقف الذي حدث بينهما.وقال خلال لقائه ببرنامج القاهرة اليوم مع الإعلامية نانسي مجدي المذاع عبر قناة اليوم: ” فؤاد المهندس ده حالة خاصة بالنسبالي لغاية ما توفاه الله كنت بحبه رغم المواقف الكتير اللي عملها معايا مش حلوة”.وأضاف: ” مواقف كتير بس أنا هقولك واحد منهم .. كنت بشتغل في فرقة الريحاني بعمل رواية وبمثل بقالي سنتين الرواية والدنيا حلوة قوي .. جه قالي أنا هعمل رواية أنا وإنت وعوض وشويكار .. وقالي خلص روايتك آخر أغسطس و 1 سبتمبر هتكون معايا”. واستكمل: “قولتله ازاي أسيب المسرحية دي؟ قالي هو كده أنا أستاذك وبقولك .. وسيبت مسرح الريحاني وروحت عنده بناء على إتفاق إن أجري هيكون رقم معين .. بعدها المؤلف تقاعص ومعملش الرواية أنا ماليش ذنب ، إنت شيلتني من الفرقة وحاطتني عندك يبقى تديني مرتبي”. وأردف :” إداني شهر واحد بس والشهر التاني صلاح يسري كان قاعد بقوله فين أجري؟ إداني ضهره .. مدرتش بنفسي بقى وقولت لأستاذ فؤاد قالي ماليش دعوة .. وطبعا أي حد مكاني كان هيزعل زعل الدنيا”.وقدم الفنان الكبير فاروق فلوكس عدد كبير من الأدوار المميزة أبرزها دوره في فيلم الراقصة والسياسي بطولة النجمة نبيلة عبيد.

[]https:www.youtu.cowatch?v=cfHTJ067vNI[]