10:05 م
الخميس 25 مايو 2023
كتب- مصراوي:
تحدثت الإعلامية هالة سرحان عن مداخلة الزعيم عادل إمام مع الإعلامي شريف عامر على الهواء يوم عيد ميلاده ودافعت عن الأخير.
وقالت خلال لقائها ببرنامج ET بالعربي: “الحقيقة أنا استغربت جدا بس السوشيال ميديا بتدي حجم للي مالوش حجم واللي مالوش حجم بيبقى عايز إنه يسب ويلعن ويهزق اللي ليه قيمة.. أنا بعتبر شريف عامر من أكثر الإعلاميين قاطبة احتراما والتزاما وحرفية وشريف نموذج فاضل لهذه المهنة وبيذاكر ويتعب”.
وأضافت: “هو كان سعيد جدا إن أستاذ عادل إمام بيرد عليه في التليفون .. أنا كتبت تويتة على طول بعد المكالمة دي قولت برافو شريف عامر.. هو كان مشاهد بسيط سعيد إنه بيكلم الزعيم وذكائه إنه مركبش تريند على الزعيم وده عيب مذيعين دلوقتي فشريف لأنه محترم سابه يتكلم .. أنا لو مكانه هسيب عادل إمام يتكلم أتكلم أنا ليه؟”.
وكان عادل إمام، فاجأ الإعلامي شريف عامر على الهواء مباشرة، وأعرب الأخير عن بالغ سعادته بمداخلة الزعيم عادل إمام ببرنامجه، وقال: هسكت خالص من الفرحة، وإنت مش عارف قيمتك عند الناس إيه، وأنت السبب في إن بناتي اتعلموا عربي.