03:24 م
الإثنين 08 سبتمبر 2025
كتب-مصطفى حمزة:
كشف المخرج محمد سامي، عن استعداده لتقديم عمل جديد، وذلك بعد 6 أشهر من إعلانه الإعتزال.
وأشار محمد سامي، عبر صفحته في موقع فيسبوك، إلى العمل، وكتب: “(رد كليتي) للمخرج محمد سامي بكتب مسلسل جديد، سيكون بأمر الله الأهم في مسيرتي الفنية والأعلى مشاهدة وجدل، حكاية جديدة لم يتم تناولها من قبل في أي عمل فني سواء عالمي أو محلي، هصور إمتي ومين الأبطال وهينزل إمتى، كل ده معرفهوش لسه ولا ف بالي”.
وتابع: “اللي أعرفه أنه سيكون أرقى وأميز أعمالي وسيكون عمل يحترمه ويقدره كل بيت عربي، ادعولي يخلص بنفس القوة اللي بدأ معايا بيها، اللي مفرحني في العمل ده إني كنت بحاول ألاقي معادلة صعبة جدا بالنسبة لي وهي إزاي العمل الجماهيري النهاردة بمتطلبات السوق يكون فني بحت زي أعمال كتير اتقدمت زمان من أساتذتنا وإزاي أقدر أخذ موضوع يهم المجتمع لقوة الجذب اللي اعتادها الجمهور العربي مني وماتبقاش مشاهداته محدودة أو نخبوي مع احترامي لمحبي الأعمال النخبوية”.
وأوضح: “وإزاي أغير تماما عن كل حاجة قدمتها وأعمل بنصيحة الأستاذ طارق الشناوي وهي التغيير قبل تشبع الجمهور والحمد لله لقيت ده في مشروعي الجديد، الله الموفق ويكمل إن شاء الله على خير”.
وكان المخرج محمد سامي قد أعلن في مارس الماضي، عبر صفحته في موقع فيسبوك، عن اعتزاله الإخراج التلفزيوني