01:26 م
الخميس 03 أكتوبر 2024
كتبت- نوران أسامة:
تحدث الفنان محمد عبدالرحمن الشهير بـ “توتا”، عن مشواره الفني وبداية تعارفه على مصطفى خاطر ومحمد أنور وحمدي الميرغني، وذلك خلال لقائه بـ بودكاست “فايق ورايق”، الذي يقدمه الإعلامي إبراهيم فايق.
وقال: “دخلت فريق تمثيل جامعة حقوق عين شمس، ومصطفى خاطر أول واحد قابلني وكان بيخرج وكنت أنا في أول سنة، وهو فاتحلي الباب وقالي أيوه وقولتله أنا عايز أدخل فريق التمثيل قالي طيب معلش إحنا آسفين مفيش مكان جوه تعالى السنة الجاية قولتله طيب أدخل أتفرج حتى قالي لا، تخيل كان هيقتل موهبة عاملة إزاي أو قتل كام موهبة”.
وتابع “توتا”: “المهم روحت قصر ثقافة المطرية وقابلته هناك وقالي عامل إيه وبتاع فروحت قولتله ازيك، وأنا طبعًا مش طايقه وبيسلم عليا وبيكلم بنت، ولما بقيت في الفريق بقينا أصحاب جدًا وبقى معانا محمد أنور وحمدي الميرغني وكنا بنعمل مسرحية وكان بيخرجها سامح حسين، ومصطفى خاطر كان البطل بتاعها وأنا ومحمد أنور وكان ناقصنا واحد عشان نكمل المجموعة ونزلنا ندور على حد يكمل معانا كمالة عدد، وطلع معانا حمدي، وكان المفروض يقول جملة “هي انهضوا” ولابس جندي وبتاع وابتدى يفكرها في أداء وفي الأخر قالها وحش جدًا وجه سامح حسين قاله حمدي مثل بالعين أوقع إنت عينيك معبرة ودي بقت قصة مشهورة عندنا”.
يذكر أن الفنان عبد الرحمن “توتا” يشارك في مسلسل “برستيج”، من تأليف إنجي أبو السعود وإخراج عمرو سلامة ومن بطولة مجموعة كبيرة من النجوم، بينهم:مصطفى غريب، راندا عوض والدة الممثلة الشابة جميلة عوض.
[]https:www.youtu.cowatch?v=Y167UX4-DK4[]
اقرأ أيضًا:
بسبب تدمير منزله.. معين شريف يتصدر تريند جوجل
أول تعليق من أحمد عزمي بعد ظهور نجله آدم في “صاحبة السعادة”