10:55 ص
الإثنين 01 أبريل 2024
كتب_مصطفى حمزة:
كشف النجم محمد هنيدي، تفاصيل جديدة عن دخوله المستشفى، والخضوع لجراحة في القلب.
محمد هنيدي، نشر عبر صفحته في موقع “إكس “، مقطع فيديو، وكتب: “بخصوص الخبر المنتشر اني دخلت المستشفى .. الحمد لله احب اطمنكم أنا بخير .. وشكرا لكل اللي سأل عليا او دعالي”.
و في مقطع الفيديو، قال: “أنا بس حبيت أطمن حضراتكم إن أنا في بيتي وبخير وزي الفل والخبر ده قديم”.
وأضاف: “مش عارف الصورة نزلت… معليش بقا… لكن الموضوع ده كان أول رمضان وكانت قسطرة بسيطة…”.
هنيدي تابع: “أنا تخضيت لقيت نفسي متصدر تويتر، وأنا ما عملتش حاجة… أنا نايم… كنت لسا صاحي… قلت يمكن عشان الكنيش محدش لسا شافه”.
د.علاء ياسر ” استشاري امراض القلب”، كان قد نشر عبر صفحته في موقع فيسبوك، صورة النجم محمد هنيدي، بالمستشفى، وكتب:” في ليلة من ليالي رمضان اطمنا على الشرايين التاجية، للفنان محمد هنيدي، اللي أسعد الناس بتلقائيته و عفويته و عدم خدش حياء المصريين”.
وتابع: ‘اطمنا على الشرايين التاجية والدعامات ….اللي كنا صلحناها قبل كده في ليلة من ليالي رمضان برضه من كام سنة ، و الحمد لله قلبه زي الحديد، و ربنا يجعله سبب لسعادة الناس في الخير أدام الله عافيتكم”.
النجم محمد هنيدي يستعد لتقديم فيلم “صعيدي في الجامعة الأمريكية 2″، بمشاركة نجوم الفيلم الذي حقق إيرادات قياسية، في التسعينات، وذلك تحت رعاية الهيئه العامه للترفيه في السعودية.
بخصوص الخبر المنتشر اني دخلت المستشفى .. الحمد لله احب اطمنكم انا بخير .. وشكرا لكل اللي سأل عليا او دعالي ❤️❤️❤️ pic.twittr.coRoGakc8Is
— Moha Hny 👶 (@OfficialHny) March 31, 2024