11:04 م
الأحد 11 يونيو 2023
هاجمت الإعلامية مفيدة شيحة الفنانة حلا شيحة ووجهت لها رسالة شديدة اللهجة.
وقالت من خلال برنامجها “الستات” المذاع على قناة النهار: “كانت فنانة متميزة وجميلة وأكيد أتمنى إن هي ترجع تمثل.. بس في حقيقة الأمر حلا شيحة غلطت مرتين .. بعد ما تقول راجعة والجمهور يصدقها وهو بيحبها أصلا تعترض وتقول لا مش لاعبة الفن ده حرام.. الله هو أهم شئ وأنا هتبع قلبي وهستفتي قلبي”.
وأضافت:”هي نقلت لكل من يعمل في هذا المجال وكل اللي بيحبوها إن في حاجة غلط.. بغض النظر عن إنك حد ملتزم وطيب وإبن ناس ، الجمهور والفنانين محتاجين يثقوا فيكي ويحسوا إن هما قدام حد قوي وقد قراره .. على قد ما كل اللي بيحبوكي دول عايزينك ترجعي على قد ما نفسهم يحسوا إن إنتي وصلتي لدرجة القوة اللي تخليكي ترجعي عن إقتناع”.
واستكملت: “لازم تكوني حابة نفسك وحابة اللي بتعمليه .. يا صديقتي العزيزة إنتي آخر فترة مبتعمليش حاجة غير إنك بتاخدي مجموعة من القرارات اللي كل الناس بتقولك إنها غلط وبتكوني إنتي في حتة والناس في حتة”.
جدير بالذكر أن غياب الفنانة حلا شيحة عن الفن وابتعادها عن التمثيل تكرر أكثر من مرة، بينها مرات ارتدت فيها الحجاب والنقاب، ثم خلعتهما.
[]https:www.youtu.cowatch?v=59vNLUyMPs[]