12:31 م
الإثنين 29 مايو 2023
كتب-مصطفى حمزة:
أعلن الإعلامي إيهاب صالح، مساء أمس الأحد، توقف التعاون بينه وبين المطربة شيرين عبدالوهاب، بعد ما يقرب من 3 شهور، على توليه مسئولية إدارة أعمالها.
إيهاب، فاجأ جمهور المطربة، بعد ساعات من حفلها الذي أقيم مساء أمس في جدة، بإعلانه عبر صفحته في موقع تويتر، عن الإنفصال.
و كتب إيهاب: “جمهور شيرين العظيم، الحمد لله علي نجاح حفل جدة، كما كان متوقع وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الأول، وطبعا بعد كدة ليا، قررنا إن من الأفضل لينا إن نحط صداقتنا والعشرة قبل أي حاجة، وإني أبتعد عن إدارة أعمالها وده أكيد لمصلحة الطرفين و لينا أسبابنا”.
وفي رسالته إلى شيرين عبد الوهاب، تابع: “مبروك وشكرا يا شيري من كل قلبي، ويا رب أكون كنت على قد وعدي، وكلمتي ليكي إني دايما في ضهرك، والحمد لله الدنيا دارت من أول وجديد، وتكسري الدنيا حفلة بعد حفلة، وخلاص أهو الألبوم على أبواب، ومتأكد إنه هينجح نجاح غير عادي.. فرحان بشكل ملوش وصف بنجاحك، ورجوعك بالقوة دي، وده اللي تعودنا عليه منك طول السنين دي، أنا كدة كدة دايما موجود زي مانتي عارفة، وربنا يديم كل اللى بينا على خير، وآسف لو في أي لحظة كنت قصرت معاكي بأي شكل”
إيهاب، أضاف: “أحب أشكر كمان جمهورك اكيد اللي مشوفتش منه، غير كل خير و حب شكرا بجد من كل قلبي، وأكيد شكر كبير لسيادة المستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو وقد إيه كان مهتم ب شيرين، ومقدر قيمتك وتقديرك بشكل يليق بيكي صوت إحساس العرب، وده مش غريب عليه، ودايما في ضهر كل الفنانين العرب كدة كدة. دي شهادة حق لازم تتقال”
واختتم: “ربنا دايما يحبب فيكي خلقه و يبعد عنك اي شر بكل أشكاله و يكتبلك السعادة، أتمنى التوفيق لمديرين الأعمال الجايين، و ادعمهم دايما بأي شكل أكيد عشان تفضلى دايما علي القمة “.
إيهاب صالح، الذي يعد الخامس في قائمة الذين قامت الفنانة شيرين عبد الوهاب، بإسناد مهمة إدارة أعمالها لهم، خلال فترة تعتبر قياسية لم تتجاوز الـ 3 أعوام، واجه مع الفنانة عدة أزمات ومواقف ،خلال فترة عمله التي بدأت في مارس الماضي، وانتهت رسميا مع نهاية شهر مايو الحالي.
وفي التقرير التالي نرصد كشف حساب تعاون الثنائي
في 13 مارس، أعلن إيهاب صالح رسميا، عن مسئوليته عن إدارة أعمال الفنانة شيرين عبد الوهاب، ونشر صورة لها خلال تسجيل أغنية جديدة، من داخل أحد الإستديوهات، قبل إعلانه في 5 أبريل كشف عن موعد حفلها في أرينا دبي، وهو اول حفل لها، عقب تعاونها معه.
في 8 أبريل، طرحت الفنانة شيرين عبد الوهاب، الأغنية التي نوه عنها مدير أعمالها إيهاب صالح، وهي “أنت البيت”، التي قدمتها في حملة دعائية لإحدى مصانع الحديد والصلب.
وكشف إيهاب صالح، في اليوم نفسه، إن حسابات الفنانة شيرين عبد الوهاب، عبر مواقع السوشيال ميديا، لم تعد تحت سيطرتها منذ بداية 2023.
في 12 أبريل، أعلن إيهاب، عن إتخاذ الإجراءات القانونية، ضد فريق عمل برنامج “ستوديو 23″، الذي عرض في موسم رمضان الماضي، عبر قناة ” c 1″، و منصة ” شاهد”، وشهدت إحدى حلقاته السخرية من المطربة شيرين عبد الوهاب.
وقامت الفنانة السعودية ريما عبدالله، مقدمة البرنامج، بتقليد شخصية المطربة شيرين عبد الوهاب، مع تعديل كلمات أغنيتها الشهيرة “جرح تاني”، وتقديمها بعنوان “ضرب تاني”.
في 28 أبريل، تعرضت المطربة شيرين عبد الوهاب، للسقوط على خشبة المسرح، خلال إحياء حفلها في دبي، وفي اليوم التالي، كشف مدير أعمالها عبر صفحته في موقع “تويتر”، عن مغادرتها المستشفى بعد خضوعها لفحوصات على قدمها
في 30 أبريل، تم الإعلان عن مشاركة المطربة، في إحتفالية روائع الموجي، التي أقيمت في الرياض.
في 1 مايو، تم الإعلان عن التصالح بين المطربة شيرين عبد الوهاب، وشركة روتانا للصوتيات والمرئيات، بعد نزاع قضائي، وصدر حكما بإلزام المطربة بدفع 5 مليون جنيها تعويضا للشركة.
في 18 مايو، تم الإعلان عن إحياء المطربة شيرين عبد الوهاب، حفل غنائي في جدة يوم 28 مايو، تتولى تنظيمه شركة روتانا، في اول تعاون بينهما عقب الصلح.
في 25 مايو، حسم مدير أعمال المطربة، الجدل الدائر حول وجود تنافس على لقب صوت مصر، بينها وبين المطربة أنغام
وكتب إيهاب عبر صفحتها في موقع تويتر، هام لكل جمهور شيرين و أنغام ، شايف بقالي كذا يوم كلام كتير رايح جاي في قصة الألقاب و مين صوت مصر و معركة كلامية داخلة في منطقة مش لطيفة خالص، أنا الحمد لله علي علاقة قوية ب النجمتين بقالي اكتر من ١٥ سنة، وكل الوسط يعرف ده كويس جدا، شيرين بتحب أنغام وتحترمها من زمان، و أنغام طبعا بتبادلها نفس الاحساس”.
وتابع،:” كل الكلام والإشاعات العجيبة إن أنغام ورا مشاكل حسابات شيرين علي السوشيال ميديا ده كلام ملوش أي صحة من الأساس، و أنا في المطبخ و عارف كويس جدا إيه سبب المشكلة. من حق جمهور كل نجمة يغير و يحب نجمته و يدافع عنها بس طبعا من غير غلط و تجريح عشان احنا ارقى من كده،’ خلاصة الكلام شيرين وأنغام دول اصوات مصر و قيمة كبيرة عندنا و في الوطن العربي. استهدوا بالله كدة “.