12:29 م
الأحد 06 أكتوبر 2024
كتيت- نوران أسامة:
تحدث الموسيقار هاني شنودة عن علاقته بالفنان عمرو دياب والفنان محمد منير، وذلك خلال لقائه في برنامج “راقي” المعروض على قناة Tn.
وقال: “أنا والدهم والأب مبيستناش حاجة من ولاده بل بالعكس كل مايشوفهم بينجحوا بيسعد سعادة غير عادية، سواء عمرو دياب أو محمد منير والمرحوم عمر فتحي وكل اللي اشتغلت معاهم”.
وتابع: “علاقتي بهم علاقة أبوية، ولما بيكلموني بتبقى فيه مشكلة فيستحسن ميكلمونيش، ولادي الحقيقيين نادر ودينا طول ما هما مش بيكلموني أنا مطمن عليهم، هما مشغولين بحياتهم دول ولادي ومش ملكي، وكفاية أشوف صورهم عندي في البيت لما بشوفهم ببتسم زي ما بكون سمعت لحن حلو”.
وأضاف: “وأنا لو مكنتش في قلب ولادي وقلب عمرو ومحمد منير ومنى عزيز وإيمان يونس لو مكنتش في قلوبهم يبقى أنا مجتش، وفيه واصلة حب عمرها ما تتقطع والمحبة أهم من الحب”.
يذكر أن الموسيقار هاني شنودة أحيا حفلا غنائيا ضخمًا بمدينة العلمين الجديدة مع فرقته الشهيرة “المصريين”.
اقرأ أيضًا:
أحمد السقا يشارك ابنة علاء مرسي رقصة رومانسية في حفل زفافها (صور وفيديو)
نجوى فؤاد: “الفن ملهوش أمان ونفسي أتحجب وأقعد في البيت”