خرجت الفنانة مي فاروق عن صمتها للرد على الانتقادات التي تعرضت لها بعد احتفالها بزفافها على الفنان محمد العمروسي، مؤكدة أنها سعيدة بقرارها وأن الانتقادات لا تشغل بالها.
وفي مداخلة هاتفية مع الإعلامي عمرو أديب في برنامج “الحكاية”، علقت مي قائلة: “أنا اتجوزت بس معملتش حاجة غلط، وكل الناس اللي حضروا الفرح كانوا جايين بحب وفرحة، ولادي وكل اللي بيحبوني كانوا مبسوطين”.
وأشارت مي إلى أنها لا تهتم بما يُقال عنها قائلة: “معرفش عندي أعداء ولا لا، لكن علاقتي بكل الناس طيبة، أرائهم تخصهم، وأنا ماليش دعوة هما بيقولوا إيه”.
وعن قرارها بإعلان الزواج بشكل علني، أوضحت: “طول الوقت بحاول أعمل كل حاجة مظبوطة، ولما قررت أتجوز كنت عايزة أفرح وأتبسط. إيه المشكلة إني أعلنت؟ مش فاهمة”.
كما ردت على الانتقادات المتعلقة بأطفالها قائلة: “الناس بدأت تحلل رد فعل ولادي، بس اللي أحب الناس تعرفه إني ولادي أهم حاجة في حياتي، ولو مش مباركين لده مكنتش اتجوزت من الأساس”.