أشاد عبدالرحمن مجدي وكيل اللاعبين السابق بـ قرار نادي الزمالك بالتعاقد مع البرتغالي جوزيه بيسيرو المدير الفني السابق للنادي الأهلي.
وكان عبدالرحمن مجدي وكيل صالح جمعه نجم المارد الأحمر السابق خلال صفقة انتقاله للأهلي في صيف 2015.
وكتب عبدالرحمن مجدي عبر حسابه الشخصي على فيس بوك:تداول أخبار تدريب بيسيرو للزمالك عايز أقول اللي أعرفه عن الراجل ده
وأوضح : بيسيرو من أكتر المدربين اللي سمعت عنهم كلام إيجابي من اللاعبين، تدريباته ممتعة جداً للعيبة و وحدات تدريبية دسمة جداً و أحياناً طويلة بيسيرو مدرب بيحب لعيبة الكورة الحريفة و بيقاتل على إيجاد مكان ليهم.
وأكمل: بالمناسبة المدرب الوحيد اللي كان عايز ثلاثي نص ملعب الأهلي يكون صالح جمعة و أحمد حمدي و عبدالله السعيد (آه دي حقيقة والله مع تغيير واجبات بعضهم) أو على الأقل ٢ منهم في الملعب في توقيت كان ناس كتير بتقول ماينفعش عبدالله السعيد و صالح جمعة في نفس التشكيل لكن بيسيرو بالنسبة له ٢ بالإمكانيات دي ماينفعش حد فيهم يقعد.
وأردف: طبعا بيئة الزمالك ماتساعدش على النجاح، لأسباب كتير في التوقيت الحالي، لكن الصفقات (لو الأجانب كويسين لأني ماعرفهمش) زائد التعاقد مع بيسيرو + الصبرررر .. أعتقد خطوات كويسة للزمالك.
وأختتم وكيل صالح جمعه قائلا : بالمناسبة بيسيرو رحل عن الأهلي لما جاله عرض من بورتو و كان التعاقد مع الأهلي مفيهوش شرط جزائي على اي من الطرفين و رحل بإرادته بدون إقالة و لا أعتقد انه كان هناك نية لإقالته.